దేవ సంస్తుతి - deva samsthuthi lyrics



దేవ సంస్తుతి చేయవే మనసా - శ్రీ మంతుడగు యె - హూ వ సంస్తుతి చేయవే మనసా = దేవసంస్తుతి చేయుమా నా - జీవమా యెహూవ దేవుని - పావన నామము నుతింపుమా - నా యంతరంగము - లో వసించు నో సమస్తమా

1. జీవమా యోహూవా నీకు - జేసిన మేళ్ళన్ మరువకు = నీవు జేసిన పాతకంబులను - మన్నించి జబ్బు - లేవియున్ లేకుండ జేయును - ఆ కారణముచే|| దేవ ||

2. చావు గోతి నుండి నిన్ను - లేవనెత్తి దయను కృపను = జీవకిరీటముగ వేయును - నీ శిరసు మీద - జీవకిరీటముగ చేయును - ఆ కారణముచే|| దేవ ||

3. యౌవనంబు పక్షిరాజు - యౌవనంబు వలెనె క్రొత్త = యౌవనంబై వెలయు నట్లుగ - మేలిచ్చి నీదు - భావమును సంతుష్టి పరచునుగా - ఆ కారణముచే|| దేవ ||

4. ప్రభువు నీతి పనులు చేయున్ - బాధితులకు న్యాయమీయున్ = విభుడు మార్గము తెలిపె మోషేకు - తన కార్యములను - విప్పెనిశ్రాయేలు జనమునకు - ఆ కారణముచే|| దేవ ||

5. అత్యధిక ప్రేమ స్వరూపి - యైన దీర్ఘ శాంతపరుడు = నిత్యము వ్యాజ్యంబు చేయడు - ఆ కృపోన్నతుడు - నీ పయినెపుడు కోపముంచడు - ఆ కారణముచే|| దేవ ||

6. పామరులమని - ప్రత్యపకార - ప్రతిఫలంబుల్ పంప లేదు =భూమి కన్న నాకసంబున్న - యేత్తుండు దైవ - ప్రేమ భక్త జనులయందున - ఆ కారణముచే|| దేవ ||

7. పడమటికి తూర్పెంత యెడమో - పాపములకున్ మనకునంత యెడము కలుగజేసి యున్నాడు - మన పాపములను - నెడముగానె చేసియున్నాడు - ఆ కారణముచే|| దేవ ||

8. కొడుకలపై తండ్రి జాలి - పడువిధముగా భక్తి పరుల = యెడల జాలి పడును దేవుండు - తన భక్తి పరుల - యెడల జాలి పడును దేవుండు - ఆ కారణముచే|| దేవ ||

9. మనము నిర్మితమైన రీతి - తనకు తెలిసి యున్న సంగతి = మనము మంటి వారమంచును - జ్ఞాపకము చేసి - కొనుచు స్మరణ చేయు చుండును - ఆ కారణముచే|| దేవ ||

10. పూసి గాలి వీవ నెగిరి - పోయి బసకు దెలియని వన = వాస పుష్పము వలెనె నరుడుండు - నరునాయువు తృణ - ప్రాయము శ్రీ దేవ కృపమెండు - ఆ కారణముచే|| దేవ ||

11. పరమ దేవ నిబంధనాజ్ఞల్ - భక్తితో గైకొను జనులకు = నిరతమును కృప నిలిచి యుండును యె-హూవ నీతి తరముల పిల్లలకు నుండును - ఆ కారణముచే|| దేవ ||

12. దేవుడాకాశమున గద్దె - స్థిరపరచుకొని సర్వమేలున్ = దేవ దూతలారా దైవాజ్ఞ - విని వాక్యము నడుపు - దిట్టమైన శూరులారా - స్తోత్రంబు చేయుడి|| దేవ ||

13. దేవ సైన్యములారా ఆయన - దివ్య చిత్తము నడుపునట్టి సేవ కావళులారా దేవుని - పరిపాలన చోట్ల - లో వసించు కార్యములారా - వందనము చేయుడి|| దేవ ||

- యం. దేవదాసు అయ్యగారు